सिन्धुलीको कुण्डेश्वर माध्यमिक विद्यालय बेसारेबेसीमा शैक्षिक गुणस्तर विकास गर्ने उद्देश्यले १३ सदस्यीय शैक्षिक विकास समाज समिति गठन गरिएको छ । आज भएको पुर्व विद्यार्थी तथा विद्यालयको बृहत शैक्षिक भेला बाट १३ सदस्यीय शैक्षिक विकास समाज समिति गठन गरिएको हो । समितिमा नारायण दाहाल अध्यक्ष, सुमित्रा आले उपाध्यक्ष, विद्यालयका प्रधानाध्यापक ललित कुमार श्रेष्ठ  सदस्य सचिवमा चयन हुनु भएको छ भने कोषाध्यक्षमा यमकुमार आछामे चयन हुनु भएको छ । समितिका सदस्यहरूमा अशोक कुमार केसी, विजय दाहाल, पाण्डव बराल, भोजकुमारी आले, रञ्जु माझी, तारा कटुवाल, सीता न्यौपाने, सोम बहादुर घिसिङ र विनय दाहाल रहनु भएको छ । समितिले विद्यालयको शैक्षिक गुणस्तर सुधार, विद्यार्थीको सिकाइ उपलब्धि वृद्धि तथा विद्यालयको समग्र शैक्षिक विकासका लागि आवश्यक पहल गर्ने जनाइएको छ ।

विद्यालय व्यवस्थापन समितिका अध्यक्ष रवि नेपालीको अध्यक्षतामा आयोजित कार्यक्रममा विद्यालयको शैक्षिक विकासका लागि सबैले आ आफ्नो तर्फ आवश्यक सहयोग गर्ने प्रतिबद्धता पनि व्यक्त गरिएको छ ।