कमलामाई नगरपालिका–५, फोस्रेटार स्थित जनज्योति माध्यमिक विद्यालयमा आर्थिक वर्ष २०८३/८४ का लागि वार्षिक नीति तथा कार्यक्रम र बजेट प्रस्तुत गरिएको छ । विद्यालयले शैक्षिक गुणस्तर अभिवृद्धि, विद्यार्थीको सिकाइ उपलब्धि सुधार तथा विद्यालयको समग्र विकासलाई प्राथमिकतामा राख्दै आगामी वर्षका लागि नीति, कार्यक्रम तथा बजेट प्रस्तुत गरेको हो ।  बालविकास तहदेखि कक्षा १२ सम्म अध्ययन अध्यापन हुँदै आएको विद्यालयमा आर्थिक पारदर्शीता र योजना बनाएर काम गर्न निति कार्यक्रम र बजेट ल्याइएको विद्यालयले जनाएको छ । कार्यक्रममा विद्यालयको आगामी वर्षको शैक्षिक तथा व्यवस्थापकीय योजना, विद्यार्थीको सर्वाङ्गीण विकास, अतिरिक्त क्रियाकलाप, भौतिक पूर्वाधार तथा विद्यालयको गुणस्तर सुधार लगायतका विषयलाई प्राथमिकताका साथ अघि बढाउने विद्यालयको बार्षिक कार्यक्रम छ । प्रस्तुत नीति, कार्यक्रम तथा बजेट माथि आवश्यक छलफल गरी विद्यालयको शैक्षिक विकासलाई थप प्रभावकारी बनाउने प्रतिबद्धता व्यक्त गरिएको छ ।

 

जनज्योति माध्यमिक विद्यालयले यस अघि देखि नै विद्यार्थीलाई सीपमूलक शिक्षा प्रदान गर्ने उद्देश्यले ‘पढ्दै कमाउँदै’ कार्यक्रम सञ्चालन गर्दै आएको विद्यालयका प्रद्यानाध्यापक योगेन्द्र प्रसाद अधिकारीको भनाई छ ।