सुनकोशी गाउँपालिका वडा नम्बर ३ सिन्धुलीको झागाँझोली रातमाटामा १५ शैयाको आधारभुत अस्पताल भवन शिलान्यास भएको छ । सुनकोशी गाउँपालिकाका अध्यक्ष दिपा बोहोरा दाहाल, उपाध्यक्ष कपिल कुमार कोइरालाले आज अस्पताल भवनको शिलान्यास गर्नु भए सँगै अस्पताल भवन निर्माणको काम सुरु भएको हो । गाउँपालिकाले अस्पताल भवन बनाउनको लागि वडा नम्बर ३ को झाँगाझोली रातमाटामा घोर्मादेवी कबुलियत वन र रमादेवी सामुदायिक वन उपभोक्ता समितिको ७ रोपनी २ आना जग्गा संघिय सरकारबाट प्राप्त गर ेपछि सोही जग्गामा अहिले अस्पताल भवन बनाउन थालिएको हो ।

कुल १६ करोड ६३ लाख ५६३ रुपैयाँ लागतमा सुवेदी–की वेस्ट जेभी, मन्थली–१, रामेछापले अस्पताल भवनको निर्माणको जिम्मा पाएको छ । अस्पताल भवन निर्माणको लागि विस २०८२ साल पुष २५ गते गाउँपालिका र निर्माण कम्पनी बिच सम्झौता भएको छ । सम्झौता अनुसार आगामी २०८४ पुष २५ गते भित्र निर्माण कम्पनीले अस्पताल भवन निर्माणको काम सक्नु पर्ने छ ।