सिन्धुलीका तीनवटा पालिकाको विभिन्न वडामा सञ्चालित बाल सम्वृद्धी तथा एकिकृत विकासका लागि हातेमालो परियोजना कार्यक्रमको सामाजिक लेखा परिक्षण सँगै समिक्षा गरिएको छ । आज सामाजिक लेखा परिक्षण र जिल्ला परियोजना सल्लाहकार समितिको बैठक बसी जिल्लाको तीनपाटन, फिक्कल र गोलन्जोर गाउँपालिकाका विभिन्न वडामा सञ्चालन गरिएको कार्यक्रमको समिक्षा गरिएको हो ।वल्र्ड भिजन इन्टरनेशनल नेपालको साझेदारीमा सिड्स नेपाल र रिलिफ नेपालबाट संयुक्त रुपमा सञ्चालित कार्यक्रमको जिल्ला समन्वय समिति सिन्धुलीका प्रमुख कारसाङ लामाको अध्यक्षतामा बैठक बसी समिक्षा गरिएको थियो । कार्यक्रमा हातेमालो परियोजना अन्तरगत भएका गतिविधिहरुको बारेमा सामाजिक लेखापरिक्षक टिकाजंग थापाले जानकारी गराउनु भएको थियो ।  यस्तै सन २०२६ मा तीन वटा पालिकाका वडा स्तरमा भएका गतिविधीको बारेमा  सिड्स  नेपालका कार्यक्रम संयोजक सागर घिताल र  रिलिफ नेपालको तर्फबाट जीतेन्द्र साहले जानकारी गराउनु भएको थियो ।

कार्यक्रममा जिल्ला संमन्वय समिति सिन्धुलीका प्रमुख कारसाङ लामाले हातेमालो परियोजनाका कार्यक्रम प्रभाबकारी भएको बताउनुभयो । उहाँले सिन्धुली जिल्लाको समग्र विकासको लागि सरकारी तथा गैरसरकारी निकाय मिलेर जानु पर्ने धारणा राख्नु भयो  ।  यस्तै जिल्ला संमनय सिन्धुलीका उपप्रमुख शान्ता कार्की ,पालिकाका जनतिनीधिपहरु गोलन्जोर गाउँपालिका उपाध्यक्ष ज्वाला प्रसाद न्योैपाने पुकार, तिनपाटन गाउँपालिका वडा नम्बर ४ का वडा अध्यक्ष  खड्ग बहादुर भुजेल लगायत लाभग्राहीले पनि कार्यक्रम प्रभावकारी रहेको धारणा राखेका थिए । कार्यक्रममा वल्ड भिजनका इन्टरनेशनल नेपालका पुर्वि क्षेत्रीय कार्यलय बर्दिबासका कार्यक्रम प्रबन्धक प्रमिल अधिकारीले स्थानीय आवश्यकता र सम्भावनाका आधार पहिचान गरी कार्यक्रम  सञ्चालन गर्न वल्ड भिजनले साझेदारी गरेको बताउनुभयो । कार्यक्रममा सहभागिहरुले उठाएका प्रश्नको जवाफ रिलीफ नेपालका अध्यक्ष दुर्गा पौडेलले दिनु भएको थियो