सिन्धुलीमा सञ्चालन गरिएको मोन्टेसेरी तथा सिएएस अर्थात निरन्तर मुल्यांकन प्रणाली सम्वन्धी नेतृत्व विकास तालिमको समापन गरिएको छ  ।  राष्ट्रिय निजी तथा आवासीय विद्यालय एसोसिएसन नेपाल (नेसनल प्याब्सन) बागमती प्रदेशको आयोजनामा सञ्चालन गरिएको  नेतृत्व विकास तालिम तालिम आज समापन गरिएको हो । तालिमले निजी तथा आवासीय विद्यालयका शिक्षकको नेतृत्व क्षमता विकास, शैक्षिक व्यवस्थापन तथा मोन्टेसरी र सीएएस सम्बन्धी ज्ञान तथा सीप अभिवृद्धि गरेको नेशनल प्याब्शन बागमती प्रदेश अध्यक्ष नारायण कुमार कार्कीले बताउनुभयो ।

तालिम समापनका अवसरमा प्रमुख अतिथी एवं नेसनल प्याब्सन केन्द्रिय उपाध्यक्ष कृष्णकुमार उप्रेतीले तालिमले विद्यालयको नेतृत्व, व्यवस्थापन तथा शिक्षण सिकाइलाई थप प्रभावकारी बनाउन सहयोग पुगेको धारणा राख्नुभयो ।  तालिमको प्रशिक्षक प्रतिमा लामा र पवित्रा लामाले सहजीकरण गर्नु भएको नेशनल प्याब्सन सिन्धुलीले जनाएको छ । तालिममा सिन्धुलीका १९ निजी तथा आवासीय विद्यालय बाट गरी ९५ जनाको सहभागिता रहेको नेशनल प्याब्सन बागमति प्रदेशका उपाध्यक्ष सोनाम बज्युको भनाई छ । तालिम प्रभाबकारी भएको सहभागि शिक्षक बाट प्रतिक्रिया आएको कार्यक्रम सञ्चालक निराजन श्रेष्ठले जानकारी दिनुभयो ।