सिन्धुलीमा दुग्धजन्य पदार्थको मूल्य मनोमानी ढंगले वृद्धि नगर्न जिल्ला प्रशासन कार्यालयले सम्वन्धीत पक्षलाई निर्देशन दिएको छ । कार्यालयले बजारमा दूध तथा दुग्धजन्य पदार्थको मूल्य बढाएको गुनासो आएपछि डेरी उद्योग तथा व्यवसायीहरूलाई आफूखुसी मूल्यवृद्धि नगर्न सचेत गराएको हो । चाडपर्व नजिकिदै गरेको बेला उपभोक्तालाई अनावश्यक आर्थिक भार पर्ने गरी मूल्य वृद्धि नगर्न र प्रचलित नियम अनुसार मात्र मूल्य निर्धारण तथा बिक्री वितरण गर्न प्रशासनले आग्रह गरेको छ । कार्यालयले एक सार्वजनिक सुचना जारी गर्दै विभिन्न माध्यमबाट गुनासो तथा उजुरी आएको भन्दै नेपाल सरकार वा कुनै आधिकारीक निकायको निर्णय बिना मुल्य नबढाउन सचेत गराएको छ । उपभोक्ताको हित विपरित मुल्य बृद्धी गरिए कानुन संवत कारवाही हुने समेत प्रशासनले सम्वन्धीत पक्षलाई सुचित गरेको छ ।