रसुवाको भोटेकोशी बाढी बाट प्रभावित भई उद्धार गरिएका व्यक्तीलाई कमलामाई नगरपालिका बाट जनही नगद १० हजार राहत रकम प्रदान गरिने भएको छ ।  बाढी प्रभावित क्षेत्र बाट उद्धार भई आईतबार गृह जिल्ला आई पुगेका कमलामाई नगरपालिका वडा नम्वर ११ का ४ जना स्वागत तथा सम्मान गर्दै नगरपालिकाले नगद १० हजार राहत प्रदान गर्ने जनाएको हो । बाढी प्रभावित क्षेत्रमा फसी सम्पर्क विहीन भएको तीन दिनमा उद्धार भएका कमलामाई ११ निवासी भक्त बहादुर माझी, बल बहादुर माझी, राजन वि.क र सुनिल माझीलाई नगरपालिकाले स्वागत तथा सम्मान गरी नगद १० हजार राहत दिने निर्णय भएको जनाएको थियो । रोजगारीको सिलसिलामा रसुवागढी हाइड्रो पावरमा कार्यरत ४ जनालाई शुक्रबार सुरक्षित रूपमा उद्धार गरी आईतबार सिन्धुली ल्याइएको हो ।