सिन्धुली उद्योग बाणिज्य संघले वि.पी. राजमार्गमा रातीको समय कुखुरा ओसार–पसारका लागि सहजीकरण गरी दिन स्थानिय प्रशासन सँग आग्रह गरेको छ । सिन्धुलीका प्रमुख जिल्ला अधिकारी स्किम श्रेष्ठलाई पत्र बुझाउदै राती कुखुरा ओसार–पसार लागि सहजीकरण गरि दिन दिन संघले आग्रह गरेको हो । राजमार्गको नेपालथोक चौकीडाँडा खण्डमा रातीको समय सम्पुर्ण गाडिहरु आवत जावतका लागि रोक लगाई रहेको अवस्थामा दिउसो कुखुरा ओसार–पसार गर्दा घामले मर्ने गरेकाले सहजीकरणका लागि आग्रह गरिएको संघले जनाएको छ ।

सिन्धुलीका विभिन्न ठाउँ बाट काठमाण्डौ जाने कुखुराहरु दिउसोको समयमा ओसार–पसार गर्दा घामले र राजमार्गको जामले अत्याधिक मर्न गएकाले यस्तो आग्रह गर्नु परेको नेपाल उद्योग बाणिज्य महासंघका सदस्य तथा सिन्धुली उद्योग बाणिज्य संघका अध्यक्ष अर्जुन कुमार श्रेष्ठको भनाई छ । कुखुरा कृषक तथा व्यवसायीको गुनासो संघमा प्राप्त भए पछि सहजीकरणका लागि जिल्ला प्रशासन कार्यालय सिन्धुलीमा पत्र बुझाईएको उहाँको भनाई छ ।   यता संघले आगामी दिनमा हुने बजार अनुगमनमा सचेत रहि व्यवसाय संचालन गर्ने निष्कर्ष निकालेको छ । बस्तुगत संघका अध्यक्ष एवम् प्रतिनिधीहरु उद्योगी व्यवसायी बीचको छलफलले विल बिजक जारी सम्बन्धि देखिएको समस्याका साथै बजारमा देखिएका विविध समस्या समधान गर्ने निष्कर्ष निकालेको संघले जनाएको छ ।