काठमाडौं/अमेरिका, नेपाली जनसम्पर्क समिति (एनपीसीसी) अमेरिकाको तेस्रो केन्द्रीय अधिवेशनका लागि सीपी पौडेल ले अध्यक्ष पदमा उम्मेदवारी घोषणा गरेका छन्।
"गर्विलो जनसम्पर्क, सम्मानित सदस्यः समृद्ध जनसम्पर्क समिति" भन्ने मूल नारासहित उनले आगामी नेतृत्वका लागि आफ्नो उम्मेदवारी सार्वजनिक गरेका हुन्। सार्वजनिक गरिएको चुनावी पोस्टरमा "Vote for Changes" भन्ने नारासहित सदस्यहरूलाई परिवर्तनका पक्षमा मतदान गर्न अपिल गरिएको छ।
नेपाली जनसम्पर्क समिति अमेरिकाको तेस्रो केन्द्रीय अधिवेशन २०२६ अगस्ट १४, १५ र १६ मा अमेरिकाको हिल्टन होटल, फेयर लेक्स सर्कल, फेयरफ्याक्स, भर्जिनिया मा आयोजना हुने कार्यक्रम रहेको छ। उक्त अधिवेशनबाट आगामी कार्यकालका लागि नयाँ केन्द्रीय कार्यसमिति चयन गरिनेछ।
अध्यक्ष पदका उम्मेदवार पौडेलले संगठनलाई अझ सशक्त, एकताबद्ध र सदस्यमैत्री बनाउँदै संस्थागत विकास, पारदर्शिता तथा प्रवासी नेपाली समुदायको हितमा प्रभावकारी भूमिका निर्वाह गर्ने प्रतिबद्धता व्यक्त गरेका छन्।
अधिवेशनलाई नेपाली जनसम्पर्क समिति अमेरिकाको भावी नेतृत्व चयन गर्ने महत्त्वपूर्ण अवसरका रूपमा हेरिएको छ। उम्मेदवारी घोषणासँगै अधिवेशनको चुनावी गतिविधि समेत तीव्र बन्दै गएको छ।