आज २५७० औं बुद्धजयन्तीको अवसरमा काठमाडौँ उपत्यकाको प्रसिद्ध पर्यटकीय तथा धार्मिक स्थलहरू स्वयम्भूको बौद्ध गुम्बामा बिहानैदेखि श्रद्धालु भक्तजनहरूको ठुलो घुइँचो लागेको छ।
काठमाडौं । २५७० औं बुद्धजयन्तीको पावन अवसरमा आज बिहानैदेखि काठमाडौँ उपत्यकाको प्रसिद्ध धार्मिक तथा पर्यटकीय स्थल स्वयम्भूनाथ स्तूप क्षेत्रमा श्रद्धालु भक्तजनहरूको उल्लेखनीय भीड लागेको छ।
बुद्धजयन्तीका अवसरमा देशका विभिन्न भागबाट आएका भक्तजनहरू साथै विदेशी पर्यटकहरू समेत स्वयम्भू पुगेका छन्। उनीहरूले भगवान गौतम बुद्धप्रति श्रद्धा व्यक्त गर्दै दीप प्रज्वलन, प्रार्थना, मन्त्र उच्चारण तथा परिक्रमा गरेका छन्।