सिन्धुली, भदौ २१ २०८३, आईतबार । 
सिन्धुलीको तीनपाटन गाउँपालिका वडा नम्वर ५ लंङगुरखोला आहालेमा यु सेभेन्टिन भलिबल प्रतियोगिता सञ्चालन गरिएको छ । आईतबार वडा अध्यक्ष भुपाल सिंह तामाङले सर्भिस गरी खेल उद्घाटन गरे  सँगै प्रतियोगिता सञ्चालन भएको हो । 
राष्ट्रको लागि भलिबल स्वास्थ्यको लागि भलिबल भन्ने मुल नाराका साथ न्यु सगरमाथा युवा क्लबले आयोजना गरेको प्रतियोगितामा ८ वटा टिम बीच प्रतिस्पर्धा हुदैछ । प्रतियोगितामा प्रथम हुने टिमले  नगद ८ हजार सहित मेडल र ट्रफि पाउने क्लबका अध्यक्ष अबिन सिदाली मगरले बताए । यस्तै दोश्रो हुनेले नगद ४ हजार, मेडल र ट्रफि, तेश्रो हुनेले नगद २ हजार सहित मेडल र ट्रफि पाउने उनको भनाई छ । यस्तै बेस्ट प्लेयर, बेस्ट सटर, बेस्ट स्पाइकर,बेस्ट डिफाईन,  बेस्ट ब्लगरलाई मेडल प्रदान गरिने आयोजकको भनाई छ । 
प्रतियोगिता सोमबार सकिने तीनपाटन ५ बाट प्रज्वल कुमार मगरले जानकारी दिए ।