सिन्धुलीको कमलामाई नगरपालिका वडा नम्वर ६ स्थित शिद्धबाबा माध्यमिक विद्यालय पानी ट्याङकीले दुना, टपरीलाई  विद्यालयको आम्दानीको श्रोत बनाएको छ ।  विद्यालय मै टपरी, दुना गासेर बिक्री गरेको पैसालाई विद्यालयको आम्दानीका रुपमा राखिएको विद्यालयले जनाएको छ । बागमती प्रदेश सरकारको अनुदान बाट मेशिन उपलब्ध भए पछि अहिले  विद्यालयमै दुना, टपरी बनाउने गरिएको विद्यालयका सहायक प्रधानाध्यापक अभिलासा कोईरालाले बताउनुभयो । नजीकीदै गरेको चाडपर्वको अवसरमा विद्यायमा आएर दुना, टपरी सस्तो मुल्यमा लैजान सकिने सहायक प्रद्यानाध्यापक कोईरालाले बताउनुभयो ।

उहाँले एउटा दुनाको ४/५ रुपैया र टपरीको ७  रुपैयामा बिक्री वितरण भईरहेको जानकारी दिनुभयो । यसले स्थानिय सामाग्रीको सदुपयोग भई उत्पादित सामाग्री  विद्यालयको आम्दानीको श्रोत बनेको विद्यालय प्रशासनको भनाई छ ।