सिन्धुलीको दुधौली नगरपालिका–७ पोखरेबाट प्रहरीले ब्राउन सुगर जस्तो देखिने लागुऔषध सहित दुई जनालाई पक्राउ गरेको छ । प्रहरी चौकी दुधौलीबाट खटिएको प्रहरी टोलीले पोखरेस्थित सडकमा सवारीसाधन रोकी चेकजाँच गर्ने क्रममा इटहरीबाट काठमाडौं जाँदै गरेको बा.प्र. ०१–००७ ख १४५३ नम्बरको हायसमा सवार यात्रुलाई लागू औषध सहित पक्राउ गरेको हो  । चेकजाँचका क्रममा हायसमा सवार सप्तरीको छिन्नमस्ता गाउँपालिका–४ निवासी ३२ वर्षीय कृष्ण कुमार यादव र सोही स्थानका २१ वर्षीय देवेन्द्र यादवको साथबाट ब्राउन सुगर जस्तो देखिने गिलो पदार्थ बरामद गरेको सिन्धुली प्रहरीले जनाएको छ ।