सिन्धुली ।
सिन्धुली जिल्ला अदालतमा गत आर्थिक वर्ष २०८२÷०८३ मा १ हजार १ सय १९ मुद्दा फछ्र्योट गरिएको छ । अदालतले सोमबार पत्रकार भेटघाट गर्दै सार्वजनिक गरेको प्रगति विवरण अनुसार गत आर्थिक वर्षबाट जिम्मेवारी सरेका ६ सय ५७ मुद्दा सहित कुल १ हजार ६ सय ३६ मुद्दा मध्ये १ हजार १ सय १९ मुद्दा फछ्र्योट गरिएको हो । 
आर्थिक वर्ष २०८२÷०८३ मा फछ्र्योटका लागि १ हजार २ सय ७८ मुद्दाको लक्ष्य निर्धारण गरिएकोमा अदालतले ८७ दशमलव ५५ प्रतिशत प्रगति हासिल गरेको जनाएको छ । यस्तै कुल मुद्दा मध्ये ६८ दशमलव ३९ प्रतिशत मुद्दा फछ्र्योट भएको उल्लेख गरिएको छ । अदालतका श्रेस्तेदार चित्रखर अधिकारीका अनुसार आर्थिक वर्ष २०८२÷०८३ को अन्त्य सम्म ५ सय १७ मुद्दा जिम्मेवारी सरेका छन् । यस अवधिमा दुई वर्ष पुगेका मुद्दा नरहेको श्रेस्तेदार अधिकारीको भनाई छ ।  २०८३ असोज १ गते सम्म १८ महिना पुगेका १९ वटा मुद्दा रहेको तथा २०८३ सालको पुस मसान्तसम्म १८ महिना पुग्ने १ सय १५ मुद्दा रहेको जनाएको छ । 
यसैगरी आर्थिक वर्ष २०८२÷०८३ मा दर्ता भएका विशेष प्रकृतिका मुद्दा मध्ये लागू औषध सम्बन्धी ५८, सम्बन्ध विच्छेदका ४ सय ३८, जबरजस्ती करणी सम्बन्धी ३२ तथा ज्यान सम्बन्धी कसुरका २२ वटा मुद्दा रहेका सिन्धुली जिल्ला अदालतले जनाएको छ ।