नेपाल रेडक्रस सोसाइटी सिद्धबाबा उपशाखाको आयोजनामा खुला रक्तदान कार्यक्रम सम्पन्न भएको छ । रक्तदान जीवनदान, जहाँ पीडा त्यहाँ रेडक्रस भन्ने नाराको साथ नेपाल रेडक्रस सोसाइटी सिद्धबाबा उपशाखा सिन्धुलीलेको आयोजना तथा नेपाल रेडक्रस सोसाइटी सिन्धुली जिल्ला शाखाले प्राविधिक सहयोग र नेपाल रेडक्रस सोसाइटी कमलामाई नगर शाखाको समन्वयमा कार्यक्रम आयोजना गरीएको हो ।

सिद्धबाबा उपशाखाको प्राङ्गण, दुङ्ग्रेबासस्थित बकेश्वर महादेव मन्दिर परिसरमा आयोजित कार्यक्रममा २६ जनाले रक्तदान गरेको नेपाल रेडक्रस सोसाइटी उपशाखाका सभापति सन्तोषकुमार बोहराले जानकारी दिनुभयो। रक्तको अभावका कारण उपचारमा समस्या भोगिरहेका बिरामीलाई सहयोग पुर्‍याउने उद्देश्यले कार्यक्रम आयोजना गरीएको आयोजकको भनाई छ ।